برد برد وعايزين حاجه تدفينا وتغذي اولادك وفي نفس الوقت طعمه اشطه واقتصاديه ومعسله ياعسل يبقا #البطاطا😋ليها طرق كتير وهبقا اقولكم عليها ونشوف طريقتنا العسل دي 😍😍
#بطاطا_بالمهلبيه😋🔥
#نجلاء_علي
بطاطا- لبن - سكر - زبده - فانيليا
زبيب - جوز هند - مكسرات اي مكسرات عندك
#المهلبية
كوب لبن -معلقه كبيره نشا- فانيليا
معلقتين كبيره كريم شانتيه - معلقتين كبيره سكر
#وجه_البطاطا_سكر_بودر
معلقتين كبار سكر واطحنيهم في كبة الخلاط بقا(سكربودر)
#الطريقه
هتغسلي البطاطا كويس جدا وقشريها وقطعيها حلقات
وهاتي حلة علي النار و حطي البطاطا والسكر والزبدة مع رشة فانيليا واللبن وسبيها اول ماتغلي وطي عليها لحد ماتستوي وتتهري تماما
حطي بقى الزبيب والمكسرات
بمكعب زبده اوسمنه ادهني بيه الصينية وانزلي بقى بالبطاطا المهروسة وسبيها تبرد شوية
في حله تانيه وهنعمل المهلبيه
قلبي مقادير المهلبية مع بعض علي البارد الاول وبعدين حطيها علي النار اول ماتبدأ تغلي وتتقل تبقي عسل
حطي بقي طبقة المهلبية علي البطاطا وعلي الوش سكر بودر ودخليها الفرن تاخد وش ودوقي الطقم اللي هيبهرك 🙈😍
ليست هناك تعليقات:
إرسال تعليق