⭕ مقرمشات الافران :
المقادير :
-------------
١- نص كيلو دقيق
٢- معلقة صغيرة ملح
٣- معلقة صغيرة سكر
٤- معلقة صغيرة بيكنج بودر
٥- ٢ معلقة كبيرة كمون حصى
٦- ٢ معلقة كبيرة صلصة
٧- كوب إلا ربع زيت
٨- كوب ماء بدرجة حرارة الغرفة
الطريقة :
-----------
_ بولة كبيرة ننخل فيها الدقيق وننزل عليه بالملح والسكر والكمون والبيكنج بودر ونقلبهم مع الدقيق كويس
_ ننزل عليهم بالصلصة والزيت وبعدين ننزل بكوب الماء بالتدريج أثناء التقليب
_ نكمل عجن بأيدينا لمدة عشر دقايق لحد ما العجينة تلم وتبقى ناعمة( العجينة فى المرحلة دى بتبقى تحفه) وتنقسم العجينة الى اجزاء وكل جزء نشكله كورة
_ بعد ما نخلص الكمية كلها نبدأ نفرد اول كورة عملناها وأثناء الفرد كل شوية نقلبها على الوش التاني ونكمل نفرد وكل ما نفردها اكتر ويكون سمكها رفيع كل ما تبقى مقرمشة
_ وبعدين نقسمها اجزاء عشوائية ونرصها فى صينية مش مدهونة حاجة ونرش على وشها حبة البركة ونضغط بهدوء عشان تثبت فى العجين وندخلها الفرن على الرف الوسطانى لمدة خمس دقايق
وبألف هنا 🥰❤️
ليست هناك تعليقات:
إرسال تعليق