مسمن مغربي مورق وناجح 100%

المكونات:

- 2 أكواب دقيق سيمولينا ناعم

- كوب دقيق أبيض

- معلقة صغيرة ملح

- معلقة كبيرة خل

- معلقة كبيرة زبدة

- رأس معلقة خميرة الحلوى (بيكنج بودر)

- قبصة خميرة خبز

- معلقة كبيرة عسل أو سكر

- ماء بارد حسب الحاجة

الطريقة:

1. نخلط الدقيق الأبيض مع السيمولينا، والخل، والزبدة، والملح، وخميرة الحلوى، وخميرة الخبز، والعسل.

2. نضيف الماء البارد شوية بشوية ونعجن لحد ما نحصل على عجينة متماسكة ومرنة.

3. ندهن العجينة بالزيت ونغطيها لمدة 10 دقائق.

4. بعد كده ندلكها لمدة 5 دقائق تانية، ونحطها في كيس بلاستيك ونسيبها ترتاح ساعة.

5. نشكل العجينة على شكل كويرات (كرات صغيرة) ونغطيهم ونسيبهم 10 دقائق.

6. نذوب الزبدة ونخلطها مع الزيت، ونخلط 5 معالق سيمولينا مع كيس خميرة الحلوى.

7. نفرد الكويرات بشكل دائري يكون رقيق، وندهنها بالزبدة والزيت، ونرش السيمولينا.

8. نطوي العجينة على 2، وبعدين نرش زبدة وزيت وسيمولينا تاني، ونطويها على شكل مربع.

9. نغطي المسمن ونستمر بنفس الطريقة لحد ما نخلص الكمية كلها.

10. نسخن مقلاة ثقيلة، ونفرد المسمن مش رقيق أوي.

11. نرش المقلاة بالزيت ونحط المسمن، ونقلبه كل شوية لحد ما ينفخ، ونرش الزيت كل شوية لحد ما يخلص.

12. نقدمه مع العسل والزبدة