بسكوت أقتصادى للمدارس ❤️❤️
ينفع في الفطار والعشاء وسناكس للاولاد والكبار كمان 👌
مكوناته 😍
٢ كوب ونص دقيق
نص كوب نشا
كوب الا ربع سكر بودر
نص كوب لبن
كوب زيت أو سمنة
معلقة كبيرة بيكنج بودر
كيس فانيليا
ذره ملح
بيضه
الطريقة 😍
في بوله نضيف الزيت او السمنة مع السكر ونضربهم بمضرب كهرباء أو بالمضرب اليدوي
بعد الضرب كويس هنضيف البيض مع الفانيليا ونضرب تانى
وبعد كدا هننزل بالدقيق منخول جيدا مع رشة الملح والبيكنج بودر والنشا ونقلبهم كويس وانزلي باللبن واحده واحده لحد ما العجينه تلم معاكي وتكون متماسكه كده وتعرفي تفرديها وتقطعيها
وبعد كدا عايزه تقسمي الكميه بالنص لو حابه تعملي جزء بالكاكاو حسب رغبتك طبعاً حطي معلقه كبيره كاكاو مع ملعقة زيت وتعجينها كويس أوي
وتفردي بالنشابه وتقطعيه بالقطاعه المشرشره بالشكل المطلوب حسب رغبتك إذا ساده أو بالكاكاو
وتخرميه بالشوكة او الخرامة عشان مينفش منك
وتسويه في الرف اللي في النص
بياخد من ١٠ الى ١٢ دقيقة علي حسب الفرن
خرجيه من الفرن وسبيه يبرد ممكن تحشيه شكولاتة أو تسبيه سادة حسب الرغبة
حطيه فى علبة بلاستيك وتقدميه فى الفطار مع أحلى كوباية شاى باللبن وكمان الاولاد ياخدو منه فى المدرسة👏
وبألف هنا❤️
ليست هناك تعليقات:
إرسال تعليق