صينية السمين
للأكيلة
الطريقة :
هاتي نص كيلو سجق ونص كيلو لحمة مفرومة واعمليها كفتة لحمه ونص كيلو كبدة تكون متقطعة شرائح رقيقة
في صنية كيبرة عالنار حطي معلقة سمنة وقطعي حتة دهنه قطع صغيرة
او لية
وشوحيها مع السمنة علي نار هادية حطي السجق يتشوح واركنيه علي جنب في الصنية وشوحي الكفتة ومتقلبيهاش غير لما تتشمع واركنيها علي جنب في الصنية وحطي الكبدة معاهم وشوحيها بعد كدا حطي عليهم بصلتين كبار متقطعين وفلفل حامي وبارد و ٣ من الطماطم متقطعين على حسب الرغبه
حطي التوابل رشة ملح فلفل اسود كسبرة ناشفة ببريكا بهارات لحمة ثوم بودر وقلبي كله دا في بعض وغطي الصنية بورق حراري وسيبها تستوي علي نار هادية وتبصي عليها كل شويه وقلبيها ولو احتاجت انك تزوديها شوية مية حطيلها عشان تستوي كويس في الاخر ولعي فحمة وحطي عليها حتة سمنة عشان تتدخن وحطيها في نص الصنية وغطيها بورق الحراري عشان السمين ياخد من ريحة الفحم
ليست هناك تعليقات:
إرسال تعليق