اكلة لو كلناها كل يوم مع رغفين عيش و بطاطس محمرة مش هنبطلها 🔥
المش الفلاحي علي اصوله مع الفطير المشلتت بالسمنة البلدي 😋
المش_الفلاحي
كيلو جبنه قريش
لتر لبن
كوب شطة
2 م ك ملح
مورته المش
م ك ترمس بلدى
م ك حلبه حصى
فلفل حار احمر
م ك بابريكا
نص كوباية عسل اسود
غطي الجبنة القريش بالملح وحطيها في مصفاه تنزل الشرش بتاعها وتنشف كويس اوي في التلاجة لتاني يوم
هاتي شرش الجبنة اللي نزل منها وافرمي الفلفل وحطي عليه
وانزلي بيهم علي المورتة اللي بتسخنيها علي النار مع قرون الفلفل الحامي السوادني الناشف و المطحون واللبن والبابريكا و بعدين العسل الاسود
قلبيهم كلهم سوا و لما تهدي شوية حطي بقى الترمس والحلبة عشان متعملش طبقة عفن او يجيب اي دوود
حطي قطع الجبن عليها و بعدين هاتي البرطمان وانزلي فيه بقطع الجبنة وعليها الخليط اللي عملناه وسبيه بقى يتعتق براحته
الفطير_المشلتت
كيلو دقيق - م ص ملح - 2 م ك سكر- م ك زيت -3 كوب ماء دافيء
سمنة - قشطة
دوبب السكر والملح في المايه وحطيهم علي الدقيق مع معلقة الزيت لحد ماتلم العجينة معاكي وتبقى طرية
قسمم حجم الفطير اللي انتي عايزة وايدك فيها زيت وسبيها في صينية مدهونة زيت كويسة اوي وغطيها وسبيها تستريح شوية حوالي ساعة او اتنين وبعدين اشتغلي بيها طبقات من السمنة مع دهن السمنة وفوق الوش سمنه وقشطة بلدي مع بعض و دخليها الفرن علي درجة حرارة عالية
خلطه_المش
مش - طحينة - زبادي - طماطم - زيت
خففي المش بالطحينة والزبادي وانزلي عليه بالطماطم والزيت وعيشي
ليست هناك تعليقات:
إرسال تعليق