عشان البطاطا كتير ومتوفره نسكت طبعا لا
نقوم بقا نفكر ونعمل الجمال دا مع كوباية شاي الصبح وانسي 🔥😋 الباتيه بالبطاطا يستاهل بوقك وحاجه كدا اشطه واشطات 😍😍
#باتيه_البطاطا
#مطبخ_نجلاء_علي
#المقادير
كيلو بطاطا مسلوقه_ معلقه كبيره خميره _6 كوب دقيق
نص كوب ميه دافيه _ معلقة كبيرة سكر
معلقه صغيره بيكنج بودر _رشه ملح
نصف كوب زبده سايحه او سمنه _ فانيليا _ بيضه
#الطريقه
بصي ياعسل 😍
اسلقي البطاطا واهرسيها كويس جدا جدا جدا
هاتي بوله واخلطي خليط الخميره اللي هو معلقه خميره مع معلقه سكر ونص كوبايه مايه دافيه وسبيهم شوية يخمروا مع بعض
هاتي البطاطا المهروسه وانزلي بالزبده والبيضه والفانيليا واضربيهم مع بعض ينعموا جدا وبعدين انزلي بنص كمية الدقيق مع البيكنج بودر ورشه الملح واخلطيهم سوا مع خليط الخميره في العجانه وبعدين حطي باقي كميه الدقيق لحد ماتلم معاكي وتبقي عجينه طريه
في بوله فيها زيت سيبي العجينه تتخمر لمده ساعه
افردي بقي العجينه شكل مستطيل وقسميها مربعات مقاس واحد عشان يطلع الباتيه معاكي نفس الحجم
حطي الباتيه علي صينيه فيها ورق زبده او ادهنيها بمسحه زيت وادهنيه بصفار البيض واللبن والفانيليا وعلي الفرن علي درجة حراره ٢٠٠ تاخد سواها ويحمر وشها
#وجه_الباتيه
صفار بيضه _ معلقه لبن _فانيليا
وبس كدا وبالف هنا
#ملحوظه لو عايزه تحشيه جبن يبقا عسل كمان بس هو كدا مش محتاج حاجه
ليست هناك تعليقات:
إرسال تعليق