الارز_المعمر
كميه الارز حسب الرغبه
اولا نعاير الارز بكوب ونغسله في مصفي
ندهن قاع الطاجن أو الصينيه الي ها استخدمها بمعلقه زيت او قطعه صغيره من الزبده
اضيف الارز في الطاجن أو الصينيه واضيف كوب وربع لبن حليب ساخن لكل كوب رز مع اضافه ربع مقدار السوائل ماء 👈 يعني استبدل جزء من اللبن بالماء ساخن
مثال 👈 اربع اكواب من الأرز اضيف ليهم اربع اكواب لبن حليب وكوب ماء واضافه الملح ثم اضافه ملعقتين زبده او سمن بلدي علي الوجهه ونسمي بسم الله وندخله الفرن
سيبك من الي بيقولوا ضيفي علبه زبادي ملهاش لازمه مع الحراره الزبادي هيفصل ويتجبن علي الوجهه
عاوز الوجهه احمر وردي ضيفي السمن او الزبدة قبل ما يدخل الفرن
ادخله فرن مسخن مسبقا علي درجه حراره عاليه الي أن يبداء في الغليان نهدي النار لحد ما يتشرب وينشف وبعدين نوطي النار لأقل درجه وبعدين نسيبه كمان مده ربع ساعه ونطفي النار
نغطيه بعد مانطفي النار و نسيبه يهدي شويه قبل الغرف
من لزازته يتاكل حاف
ملحوظه مهمه جدا 👈 بلاش نغطيه قبل مايستوي علشان الوجهه يفضل احمر وردي👍 وعلشان هيفور اللبن وينزل من الطاجن☝️دعوة حلوة بقي
ليست هناك تعليقات:
إرسال تعليق