******
حوار بيني وبين أبوها 👇 قبل ما تبداء هذه الحرب👇
قـتلو :-👨🏻
سلام يا عـمو جيتك لي أمـور تعنـيني
طالـب إيـد فـلانه وبـيـها اكـمل ديـني
فــلانه الولـعـت نار الغـرام فـ يمـيني
بعدها تاني ما شفت الجمال إعـمـيني
قالـي :-🧔🏻
حبابك ود أخـوي بحـر القـصيد والنم
حباب سـيد الرجال والعـزة بيك حرم
بس يا أبـني عـندي شروط قـبل نـتلم
تعـال قــولـي تدفــع في المـقابل كـم
قـتلو :-👨🏻
جمـيله ورايـقه بتك والعـفاف كاسـيـها
احـفـظ ربي من عـين الحـسد يحمـيها
شـروطـك قـولا عـمـو، ولا تـكـتر فـيـها
قـولي إنـت أبسـط حاجـه شان اوفـيها
قالـي :-🧔🏻
بـتـي جمـيله محترمه، وكـلامه أحنـه
وتـر ألحـان زي قـمري الفـروع الغـنى
كـونـي أبـوهـا إتـمـنالا ، وانا بـ تـمـنـى
شركـة وفـيلا، مصـنع ثم مـنزل جـنـه
قـتلو :-👨🏻
عارفه سمحه لا شك خالي من الإنّـه
حوريه جـنان إتقـول هـي مـن الجـنه
بس يا عمـو روق حـبه كـدا وإستـنى
إت قايلـني(ليلة القدر) جيت تـتـمنى
قالـي :-🧔🏻
انـت طلـبت حـورية المـحـيط الهـادي
كلـمـة أقـولـا لأذم ترضـى بـيها إرادي
بتي انا غاليه ماها رخيصه يا العبادي
لو أديـتـني مال قارون بـوافـق عـادي
قـتلو :-👨🏻
عارفه هـاديه حـوريه وجـمالا الأولـى
لأكين من كلامك قايـتو عاد لا حـوله
شان بـتك طلب، داير عـلي تـسـتولى
طالـب لي إيد انا ... ولا طـالب دولـه
قـالـي :-🧔🏻
ان دايرني اقبل بيك واكون انا راضي
داير شـِقـه ملـكـيه، وبخِـتـم القـاضـي
بعـد الشِـقه ، داير لي بـنـوك وأراضـي
داير لي مساحة كبيره وإتكون فاضي
قـتلو :-👨🏻
ماكا نصـيح ومرضان عندك الطوحال
وإت يا عـمـو دايـر لـيك راحــة بـااال
كـلامك كـلو ماهـو كلام رجـال إتقـال
إت قايلـني عفـريت ولا رجـل أعـمال
قـالي :-🧔
بـتي صـغـيره في عمـر الـزهـور ياداب
وإن كـبرت شـويه .. بـيكـترو الخُـطاب
كلامي انا قلتو ياتوافـقـبو دون أسباب
أو إتـفـضل أمـشي وسِـد مـعـاك الـباب
قـتلو :-👨🏻
كلامـك لي،،، أو لـي غـيري مـا بـندار
وطلبك زاتو خلى غـريني فيك إحتار
أسي كلامك أصـبح في العـقُـل تزكار
والله معـاك يا عـمـو ..... الزمـن دوار
،،
،،
ليست هناك تعليقات:
إرسال تعليق