#الكالزوني
✨من بره حلو ومن جوه احلا😋
المقادير🛑
تلت كوبايات دقيق
نص معلقه صغيره خميره
نص معلقه صغيره سكر
ربع معلقه صغيره ملح
معلقه كبيره زبادي او لبن بودره
ماء دافئ للعجن
معلقه ونص كبيره من زيت الزيتون
✅في وعاء عميق نضع الدقيق ونضيف إليه الملح وفي وعاء آخر نضع حوالي كوب الا ربع ماء دافئ و نضيف عليه الخميره والسكر ونسيبها تتفاعل لمده ثلاث دقائق
نضع الخميره اللي عملناها علي الدقيق ونضيف الزيت والزبادي أو اللبن البودره ونعجن كويس لمده عشر دقائق و نشكل العجينه علي شكل كوره ونغطيها ونسيبها تخمر ويتضاعف حجمها في مكان دافئ👌
✅ف الوقت ده هنجهز الصوص بتاعنا اللي هنضيفه عليها عباره عن اربع حبات كبيره من الطماطم هنعمل عليهم علامه + بالسكينه من عند العنق بتاع الطماطمايه وتنزل فميه مغليه تلت دقائق ونطلعها علي ميه متلجه نقشرها فثانيه الا ثانيه الموضوع يبدو صعب لكنه بسيط خالص وسريع🤌☺️
✅نضربها ف الخلاط وف طاسه سخنه عالنار ننزل بالطماطم وعليها نص معلقه صغيره ملح وفلفل اسود ونص معلقه صغيره سكر ومعلقه صغيره توم بودره ومعلقه صغيره زعتر أو اوريجانو ونضيف عليها معلقتين كبار من زيت الزيتون وبس كدا ونتركها عشان تتسبك علي نار متوسطه🤌
✅بعد ما تختمر العجينه كويس جدا نقسمها علي حسب الحجم اللي نفضله سواء كبير او صغير دي بتاعتك
ونتركها تختمر مره اخري لمده عشر دقائق 👌
👈نفردها علي شكل دايره ونبدء نولع الفرن بتاعنا علي نار عاليه حوالي ٢٠٠/٢٢٠حسب الفرن بتاعكو ناره عامله ازاي
✅نضع كميه من الصوص علي نص العجينه بس ونسيب الجزء التاني مش هنحط عليه حاجه ونقدر نضيف اي حشوه ف الدنيا ممكن جبن ممكن لحمه ممكن فراخ ممكن بسطرمه ممكن سلامي اي حشوه ف الدنيا
🌟نقفل العجينه علي نفسها بحيث تكون علي شكل نص دايره
✅وندهنها ببيضه مخفوقه في ربع كوب لبن ورشه فلفل اسود
ونرش علي الوش سمسم وحبه البركه
🌟في صينيه مدهونه بالزيت نضع الكالزوني بتاعنا وتدخله الفرن مش هياخد اكتر من ٧/٨ دقائق لأن الفرن حامي. وده بيخلي العجينه تكون مقرمشه من بره وطريه من جوه ومستويه فنفس الوقت لأنها رقيقه 😋😋
❤️وبس كده يللا جربوا احلي كالزوني ف الدنيا وقولوالي ايه رأيكم ❤️❤️
ليست هناك تعليقات:
إرسال تعليق