طاجن عكاوى

العكوة داااايبة بالبصل و التوم

أول حاجة العكوة مغسولة و متنشفة و زى الفل

حلة فيها مية بتغلى

ننزل بالعكوة و بصلتين و طماطماية

ورق لورا و حبهان و ملح و فلفل

نغطى و نسيبها ساعة تستوى 3/4 تسوية

نرفعها من الشوربة و نسيبها تهدى شوية

ووك واسع على نار عالية

ننزل بمعلقة كبيرة سمنة بلدى

نشوح قطع العكاوة و ناخد و لون و تحميرة حلوة

نرفعها ف طبق جانبى و ننزل مكانها ب

كمية كبيرة من البصل الجوانح

فصوص ثوم شرائح

قرن فلفل حار

طماطم مكعبات

ملح و فلفل و كسبرة و7 بهارات

نشوح دقيقتين و ننزل بكوبايتين مية مغلية

نقفل كويس بالفويل و ندخلها الفرن

حوالى ساعة إلا ربع و ف اخر دقيقتين نشيل الفويل

عشان الوش يتشمع و ياخد لون جولد خطير

بس كدة معانا لحمة بتتخلع من العضمة

و صوص بصل مكرمل خطيييير مع الرز أو العيش

و ممكن كمان تضيفو ف الآخر مكعبات بطاطس

بتشرب من طعم الصوص و بتبقى خطيييييرة.