حلو الصعايده 😘 مين اكلها قبل كده🤔 فطيره الصنيه
الحلويات دي اسمها ام الشعور حلويات صعيديه وطعمها روعه جدا حد يعرفها هنا غير الصعايده
تعديل
الطريقه للي طلبها
لعمل صنيه
خمس بيضات
رشه ملح
معلقه صغيره خل
خمسه فانيليا
نص كوب لبن
الدقيق حسب العجن
كوب سمنه بلدي او زبده
شربات خفيف مش تقيل
نضيف البيض و الفانيلا والخل ورشه الملح واللبن ويضرب جيدا
نضيف الدقيق بالتدريج العجينه متكنش ناشفه ولا لينه تكون طريه نسبيا عشان نعرف نفردها
نقطع العجينه كور اد الرغيف وتفرد كل واحده علي حدا تقطع مستطيلات طويله بالسكين ونحطها في المكننه من ناحيه الفرد
ثم توضع من ناحيه اللي بتعمل زي الشعريه كده بعدين نحطهم في دقيق كتتتير عشان متلزقش ببعض لما نخلص الكميه نحطهم في الغربال عشان يطلع الدقيق منهم نجيب صنيه مناسبه ونرص اللي عملانه فيه ونضيف عليهم سمنه بلدي قيمه كوب مليان او زبده متقلقوش بعد ما تستوي وتاخد وش السمنه دي هتتصفي كلها بعدين ننزل بالشربات وندخلها الفرن تاني شويه صغيرين هتدي طعم. جميل جدا بعدين نخرجها من الفرن ونغطيها شويه عشان تطرا شويه وبس كده تعبت من الكتابه اللي يعرف حاجه نستها او بيعملها احلي من كده ياريت يفيد الناس
وعلي فكره انا من سوهاج صعيديه يعني 😁😂وشكرا ليكم 😍🤗
ليست هناك تعليقات:
إرسال تعليق