القرص الفلاحي بالعجوه

المقادير

٢ كوب دقيق

. نص كوب سمن بلدى فلاحى ) جاموسی او بقری )

معلقه خميره فوريه صغيره مليانه

. معلقه سكر ومعلقتين تلاته كبار مايه دافيه للخميره

. رشه ملح خفيفه

. نص كوب لبن رايب مش هنستخدمه كله على حسب احتياج

العجينه ويكون بحراره الغرفه

رشه شمر وينسون وسمسم محمص

معلقه قشطه بلدی

شويه لبن لدهان الوش

للحشو

تمر منزوع النوى بحطه على النار مع شويه مايه ومعلقتين سمنه بلدی ورشه شمر و سمسم محمص لغايه ما يبقى عجينه لينه

الطريقه

هنخمر الخميره اول حاجه طبق نحط الخميره والسكر وشويه مايه دافيه صغيره ونغطيها ونسبها تخمر براحتها

خمرت هاتی طبق نحط فيه الدقيق وعليه سمنه سايحه ورشه شمر ورشه ينسون بسيطه ورشه سمسم محمص ورشه ملح ونبس فيها

بايدينا كويس اوى

انزلي بمعلقه القشطه لو عندك والخميره واعجني وانزلى باللبن

الرايب واحده واحده لغايه ما العجينه تلم وتكون طريه معاكى

اعجني كتير كويس اوى اوى لو طريه عادى هتطلع تحفه المهم

تكون لمه نفسها

كوريها كوره وحطيها فى طبق متغطى فى مكان دافي تخمر فيه

التشكيل:

العجينه خمرت ماشاء الله قطعيها كور قد بعض وكورى العجوه کمان زي الصوره كده هتاخدى كوره وبططى فيها وحطى فى نصها كوره العجوه وبططيها هيا كمان وقفلى الجوانب على بعض ودحرجيها في ايديكي عشان

تقفل كويس وبططى وشكليها شكل القرص خلصي الكميه كلها وتقدرى تعمليها ساده او بجبنه بيضاء كمان رصيها على ورق زبده فى الصنيه و ادهنيها قشطه دافيه و اعملى

فتحه بالسكينه عشان العجينه تتنفس في الفرن غطى الصنيه وسبيها فى مكان مغلق ربع ساعه او اکثر تخمر شويه

سخني الفرن كويس على ۱۸۰ درجه حطى الصنيه قريبه من النار الى تحت شويه اول ما تاخد لون من تحت دهبى جميل طلعيها وادهنيه لبن عشان اللون يبقى قوى اقفلى الفرن وافتحى الشوايه بس ابعدى الصنيه عن الشوايه متبقاش لازقه فى النار خليها تاخد لون جميل مش محروق وعينك

عليها طبعا

قبل ما تطلعيها من الفرن تكونی مجهزه بخاخه مايه ورشى القرص

بالمايه الافران بيعملوا كده في المخبوزات

غطيها بفوطه واول ما تهدى حطيها فى اكياس او علبه محكمة الغلق

وعلى التلاجه طلعيها دفيها فى المايكرويف او الفرن وتتاكل دافيه بالف هنا .