يلا نبدا بقي الطريقه والمقادير🤩
نص كيلو فول تدميس +نص كوبايه فول مدشوس أقل من ١/٨كيلو+نص كوبايه عدس +نص كوبايه رز
جزره مبشوره +خل+ليمونه+كركم
جبت الفول غسلته كويس اوي وشلته من اي حبه وحشه
ونقعته في مياه سخنه لمده ليله وده مهم أوي عشان التسويه بقي كده بعد يوم
التسويه هنا لو عندك دماسه أو حله استانلس عادي👍
نقعت الفول المدشوش مع الفول التاني
والعدس غسلته كويس وصفيته من مياته
العدس هنا قيمه غذائيه وتعزيز اللون 👍
هنا انا ضفت جزرتين بحب اكتر الجزر عشان القيمه الغذائيه لو عندك اطفال مش عشان اخد لون بس
بس انتي ضيفي جزره واحده بس لو مش حابه الجزر كتير👍
في ناس بضيف طماطم مبشوره وبصل انا مش بحب الإضافات دي كلها 👍
وغسلت الأرز وضفته كمان
الأرز بيظبط قوام الفول بالنشا اللي الأرز 👍
وعصير الليمون عشان ميسدوش مننا 😀
هنزل بمياه مغليه تغطي الفول وزياده ولازم مقاس الحله يكون أكبر من كميه الفول 👍
هضبف هنا رشه الكركم رشه بابريكا
بس نسيت اصوره
وارفعه علي النار
اول ما يغلي بعد نص ساعه تقريبا
هتوطي النار أقل حاجه عندك وتسيبه ٣ساعات او٤ يستوي
متخافيش لو عندك اأنبوبة مش هتخلص
طبعا كل نص ساعه أفتح عليه لو محتاج مياه ازود ومياه تكون سخنه واقلبه كويس عشان ميلزقش منك 👍
ليست هناك تعليقات:
إرسال تعليق