مقضينها شعارات مقضينها مؤتمرات مقضينها ندوات مقضينها اجتماعات مقضينها محاضرات مقضينها حوارات والتعلب فات فات وفى ديله سبع لفات والوطن قالوا مات وشغال مظاهرات والأسعار بقت نار والكاش قالوا طار لا سيولة ولا حتى فار والعيش قالوا طابور والعدد محدود ياخوفى يبور والبعدا منشرحى الصدور لا جايبين خبر هس امسك لسانك أوعك تثور الثورة عار بتقيد النار يابنى خليك جبان أوعى حسك يبان وامشى جنب الحيط لحسن بعدين تندم وتقضيها بكا وعياط قال ايه الجبان ربى عياله قال ايه الخوف يا محلاه يبقى فاله قال ايه بدل مايشيل حاله ويضيع الباقى فى ماله وانت مالك خليك فى حالك يكونش ده مش وطنك؟!! يكونش ده مش حالك؟!!! يكونش ده مش مالك؟!!! يابنى وطنك هو حالك وطنك هو مالك لما تمرض وطنك يتعب لما تجوع وطنك يتعب ولما تشبع ولما تفرح وطنك يلعب وده المفروض يعنى ايه كلمة وطن؟!!!! الوطن قلب وعقل وبطن وازاى وطن من غير قلب؟!!! ازاى وطن من غير ملى بطن؟!!!! قالوا الجوع كافر ف ليه ياوطنى بتعافر واللى مش طايق هج وسافر ولما نتكلم يقولوا بجح شيوعى سافل المفروض نموت من الجوع المفروض تكون ايدينا من كوع المفروض منعرفش الكوع من البوع المفروض نعيش الخوف والروع المفروض مانسألش ومنعرفش ايه هو النظام والنوع هو ده معنى الوطن هو ده حب الوطن ليه ياوطن احبك وما ترضنيش ليه عايزنى فى جوع وضنك اعيش وان طالبت بحقى تقولى مفيش وان اتكلمت تقول مايهمنيش تتقهر تجوع تموت أو تعيش ليه ياوطن انت ظالم؟!!!! وانت بحال أولادك عالم!!! ليه تخلينا فى وهم حالم وفى الأخير تطلع كداب وظالم واللى حواليك ناس مش بهايم ليه تولى أمورهم ناس مظالم الله عليك ياوطن محتال وحالم ده احنا ناس كنا فاكرينك مسالم الله عليك يابلد وياعينى على حال الولد اللى بكى وتعب لكنه لربه سجد ودعى لربه وعبد وقال يارب ياتجينى ساعة اللحد يايتعدل حال البلد ويلا نقضيها حساب وعتب ويلا نطالب بحق البلد واتشجع وطالب ياولد ده هوه عليك حق البلد يارب بحق الجمعة الجامعة اصلح حال البلد اللى ملهاش بعدك سند واستجابتك لدعوانا هى العمد الله ليك يابلد هويدا