مش عرايس خشب دول بنى آدمين
بس ياللأسف مخلوقين من طين
وبرضه بالخيط مربوطين
كل عروسة فى ايدها عروسة
كلها ع المسرح مرصوصة
معروف مين يتكلم امتى
أصلها محسوبة ومدروسة
واللى يفكر انه مالكهم وبخططه الجامدة محركهم
فيه كبير فوق مالكه ومالكهم وبفضله محروسة
وعينى ع اللى فاكرها دايمة له
سيبوه يعيش الوهم وماله
اصلها لو دايمة ايه جابها لغاية عنده ووصلهاله
وغريبة كله بيتناصح
مع ان الموضوع قوى واضح
مش دايمة وفيه جاى ورايح
وهنعمل ايه شغل مسارح
هويدا
ليست هناك تعليقات:
إرسال تعليق