ياخسارة الواد قال قلبه مات
وانه معدش يفرق بين صوت قلبه والقنابل وان قلبه عايش فى حالة غيبوبة وسبات
حاولت اقنعه لا نفع معاه الكلام ولا السكات
يابنى ده كان ماضى وفات
واللى فات قالوا مات
والزمن بيعدى والنسيان طايل السنين والساعات
لانفع معاه كلام مباشر ولا حتى فاكسات
الواد قال انه اتحجر وان ساعته جات
يمكن غير تردده ماهو أصبح زى قنوات نايل سات
الواد معدش بيصدق اى قلب ولا أى ذات
واى كلام عنده فاضى سواء هنا أو فى الشات
الواد قلبه بقى حديد وصلب زى صخر عات
الواد قال ان الحب مجرد قصيدة ورغى وحكايات
وانه مجرد دردشة حديث وتسليات
قلتله تعال نفرح ونحب ونشرب الشربات
أتارى الحكاية عنده مجرد حسابات
وطلع بيحب يسمع مواويل وأغنيات
لانفعت معاه الدمعة ولا النهنهات
قولتله يابنى قوم شيل قلبك وهات
نكفنه لأنه أصبح موات
وبقت قصتنا كابوس من الذكريات
هويدا محمدالحسن عثمان الكاملابى
ليست هناك تعليقات:
إرسال تعليق