شعر سودانى
*******
لو ماخوفي من الله 🌹💙
لو ما خوفي من الله
من أيام وراها حساب
كنت خطفت لون خديك
لون خديك وشلتو هدية للاعناب
اصلو الدنيا ماب ترحم تزيد همي العلي هموم
تقيف دايما مع الظالم وتنسي براءه المظلوم
حليلي انا البقيت تايه حوالينا المحنه حروم
تعيش ناسيني طول عمرك اعيش متمني انساك يوم
لو ما خوفي من الله
لو ما الريدة ليها مقام
والحنية ليها أصول
كنت زمان هجرت هواك
كنت نسيت همي المعاك موصول
أصلو الزول وقت يعشق محال يسمع نصيحة زول
أنت العاش معاك عايش وال ما نال رضاك مقتول
حرام وأنت الجمال كلو
تزيد فوق نار عذابي عذاب
لو العشرة ديمه عزيزة
عند الغالي ما بتهون
كنت قدرته أتناسك
أضوي بلاد وأبكي شجون
الافلاك مساهرة معاك
متين تهديها منك لون
زي ما الوردة ليها عبير
الحنية ليها عيون
معاك أنت الخريف سلوان
رجع مليان نضار وشباب
ليست هناك تعليقات:
إرسال تعليق