قالوا يابت ده ابن عمك
ابن عمي؟!!
الا انت يوم شلت همي
والا يوم زلت غمي
والا يوم بلقمة سديت فمي
والا يوم رويت ظمي
والا حنيت علية وكفيت كمي؟!!!!
لأ ياابن عمي انت اسوء ذمي
ابن عمي..قال ابن عمي
دا أنت آخر همي
قالوا يابت ده ابن خالك
ابن خالي؟!!
هوه انت في يوم سترت حالي!
والا في يوم عرفت اللي شاغل بالي
والا في يوم طيبت فالي!
والا في يوم هديتني ولو ب شالي!
والا يوم حسيتةاني عليك غالي!
ياللي طول عمرك مقامك تقولش والي؟!
ابن خالي؟!!
وأنا مالي..
الحكاية مش مجبور علية ومجبورة عليه
الحكاية انت مين؟ وفين؟ وازاي؟ وعملتلي ايه؟!!
اسمك واسمه مجرد حبر علي ورق
طالما اللي بينا عواصف ورعد وبرق
وبعد وجفا خلي اللي بينا غرق
ولامبالاة وبخل للود منا سرق
قرابة؟!!!
ياللغرابة!!!
ده كله وهم وسرابا
اللي بينا مش دم اتحرق
اللي بينا أصبح مجرد مرق
وتستغرب انه مرق؟!!
لأ يابن عمي..لأ يابن خالي
سهل جدا الدم يصبح مرق
وعجبي
هويدا
ليست هناك تعليقات:
إرسال تعليق