قابلت مرة الحظ
وقولتله
ياعم حن شوية عليا
بصلى بصة حنية
وكفاية عند وأذية
قالى يابت اجرى العبى
ده انا مش هفية
ده انا ابن جنية
ده انا متقسم قسمة فنية
ده انا من نصيب ابن الوز
ده انا الحظ ابن العز
قولتله ياعم
اتهد وبطل
عمال فيا تقص وتلزق وتجز
وتنغص فى عيشتى وتحز
ودايما تقولى هاتى ومفيش مرة تقولى خذ
دايما كلامك معايا أقوال ومفيش دظ
ودايما تأكلنى فول ومفيش مرة فتة برز
ودايما تدينى على راسى وفى جنبى تغز
وتقولى يلا ابعدى عن طريقى اجرى وفز
ومهما عملت واشتغلت ونسجت زى دودة قز
عمال فيا تهش وتلز
ايه ياعم أرضيك ازاى يامز
ما كفاية عمال فيا تضرب وتهز
كومك غير كومى
وعومك غير عومى
اقولك ايه ياعم الحظ
طظ فيك والف طظ
هويدا محمدالحسن عثمان الكاملابى
ليست هناك تعليقات:
إرسال تعليق