سألونى عن حبك يابهية
ام خدود وردية
وضحكة صافية نقية
وقد مياس بملاية لف على الكتف مرمية
وخطوة ملكة واثقة برعايها مهتمية
وعيون كلها طيبة وحنية
وقعدة صحاب فى قهوة الفيشاوى كلها ود وحنية
وأكلة كشرى وممبار وملوخية
وعربية حمص الشام نشربها بدقية
وفول وفلافل وطعمية
وفسحة فى النيل بحنطور يتهادى بدلال منتشية
ياأم الأهرامات وابو الهول والآثار الفرعونية
وابو سمبل والأقصر والأماكن الأثرية
وخان الخليلى بكنوزه والغورية
والسيدة زينب ونفيسة الطاهرة التقية
وجندك وجيشك المغوار الشجاع ذو الحنكة القوية
وخير الأرض جميعا سويا
ياأرض الحضارة والفن بشهادة عالمية
والغردقة وشرم وهوا اسكندرية
والصعيد وقبلى وبحرى والمنوفية
وعابدين والعتبة والموسكى والمنشية
وقعدة ولد وبنت جنب النيل بلطف وملاغية
وجدع فتوة بيرقص بالنبوت برشاقة فنية
عشان يعجب الحليوة المعجبانية
وولاد مصر نجيب وانيس وحارة السكرية
والسباعى وانور عكاشة وليالى الحلمية
والأبنودى وصلاح جاهين والرباعية
وهشام الجخ لما يحكى عنك بود وحنية
واللى شالوا همومك وضحوا بأريحية
شهداء ورؤساء شرفوكى وفدوكى يابهية
عبد الناصر والسادات ولتحيا الجمهورية
وتحيا مصر أم الدنيا وتحيا بهية
ومين يقدر يعشقك أكتر منى يابهية
هويدا محمد الحسن عثمان
ليست هناك تعليقات:
إرسال تعليق