عمل صابون من صابونة
************
ازاي تعملي من صابونه واحده صابون بكفيكي الشهر كله ⁉️
هاتي صابونه حوالي ١٢٠ جرام أو ١٥٠ جرام تكون نوعها جيد
ابشري الصابونه بشر ناعم
حطيها في حله استانلس أو صاج نضيفه مع كوب واحد من الماء حوالي ٢٠٠ مللي وارفعيها علي نار هاديه تماما زي الشمعه وقلبي تقليب مستمر حتي تمام الذوبان
ضيفي معلقتين كبار سكر لزياده الرغوة والنعومه
ارفعيها من علي النار وضيفي معلقتين كبار دقيق ارز او ذره منخول جيدا ( مفيد جدا للبشره وبيساعد علي تصلب القوام )
تقدري في المرحله دي تضيفي معلقه عسل نحل كبيره او معلقتين كبار لبن بودره أو معلقه كبيره بن أو معلقه كبيره زيت زيتون او زيت لوز او زيت ورد او زيت لبان الدكر ( معلقه واحده فقط من نوع واحد فقط )
ضيفي شامبو أو شاور جل أو غسول وجه حوالي ٥٠ مللي وقلبي كويس جدا وبعدين ارفعيه تاني علي النار دقيقه ندمج المكونات
وتكوني محضره القوالب ورشاها كحول طبي أو بادي سبلاش أو برفيوم للتعقيم
ولازم تصبي الصابون بسرعه لانه بينشف بسرعه
سيبيه ساعه في مكان جيد التهوية ودخليه الثلاجه ساعه كمان يمسك نفسه وطلعيه يكمل نشفان في الهوا ويبخر اي كميه ميه زياده فيه واستعمليه فوري . الصابونه تعمل معاكي حوالي خمس أو ست قطع وزن ٥٠ جرام تقريبا
ليست هناك تعليقات:
إرسال تعليق