آه ياقلبى هوه العيب فينا والا فى البرد؟؟!!! والا فى قلوبنا اللى بقت أبرد من تلج سؤال ياعالم محتاج للرد دى مش مجرد حكاية للسرد والجثة دى مش مجرد فرد دى انسان مات من البرد هوه العيب فينا والا فى البرد؟؟؟؟!!!! هوة احنا مجرد شطرنج واللا لعبة نرد؟!!!! واللا انسانيتنا فى مخزن محتاج للجرد؟؟؟!!! ياعينى على الانسان لما يبقى متشرد حياته من شارع لحارة وعايشها طرد ماهوة أصلا أرخص من بضاعة فى طرد مرمى فى الشارع تقولش حشرة للعرض وتقولش كأننا فى حديقة حيوان وهوة مجرد قرد وياعينى على الانسان لما يبقى قرد للفرجة ومصمصة الشفايف وللعرض وياعينى على كل متشرد نايم على الأرض ومات متجمد من تجرد الشعور والبرد رحمتك يارب ولكن هل بجد بعد ده كله بنستحق رحمتك يارب على الأقل أدوهم بطانية يمكن تحميهم من موتة برد هويدا