الأربعاء، 23 فبراير 2022
يااخوانا حاجة غريبة اللى بيحصل ده...من كام يوم كنت فى زيارة لصديقة فى المعادى تحديدا فى ش فرج يوسف...والشارع ضيق للغاية...وفوجئت بالتكاتك( جمع توكتوك) ماشين فى الشارع مزنوقين واللى بيغيظ اكتر عمالين يتسابقوا نسيت أقول السواقين كانوا أطفال صغار أو شباب صغار...والمصيبة ان كان فيه امرأة كبيرة فى السن ماشية وبالطبع صدمتها توكتوك وجرى الصغير وكأن شيئا لم يكن...ايه الفوضى دى؟!!!!!!
والعيب على مين على اللى بيسيب عيال يسوقوا توكتوك ويتلاعبوا بأرواح الناس؟!!!
والا العيب على اللى سمحوا لهم بالسواقة( وأقصد ناس المرور)
والا العيب فى اللى بيسمحوا للتكاتك يمشوا طابور وصف فى شارع ضيق وسط الناس....شارع يادوب تمشى الناس ازاى بقى هيشيل الناس والتكاتك؟!!!
مش عارفة دى فوضى...والا عشوائية ....والا تخلف....والا اهمال...والا سيبها لظروفها؟!!!!!
حرام عليكم...حرام عليكم...انتم مسئولون أمام الله عن أى كارثة تحدث...أو أى روح تتعذب وتزهق...غير حوادث الكلاب والقطط
سيسألكم الله عن كل روح...ياعالم اتقوا الله....واخشوا يوما تتقلب فيه القلوب والابصار...حسبنا الله ونعم الوكيل
اين انتم ياشرطة المرور؟!!!!!!!
هويدا
الاشتراك في:
تعليقات الرسالة (Atom)
ليست هناك تعليقات:
إرسال تعليق