وانت نازل النهارده تشتري احتياجات البيت من السوبر ماركت حابب افكرك بكام حاجه 👌🏼👌🏼

🟢مش كل حاجه مكتوب عليها بدون سكر بتبقى فعلا بدون سكر.. لانه بيتحط باسامي تانيه زي ديكستروز✔️ مالتوديكسترين /جلوكوز/ شراب فركتوز .. كل الحاجات دي نفس مخاطر السكر الابيض ويمكن اكتر ‼️

🟢اي منتج بتجيبه من ضمن مكوناته الزيوت النباتيه خصوصا لما تبقى مهدرجه ده معناه موت بالبطيء👈🏼 لانه بيسبب التهابات شديده جدا في الكبد والبكتيرياس❌❌

🟢محسن النكهه اول للملح الصيني او جلوتاميت احادي الصوديوم أو E621 كلها اسامي لماده بتحسن طعم الاكل وبتخليه احلى 100 مره من اكل البيت❌❌ هتلاقيها موجوده في اللحوم المصنعه و شيبسي والنودلز سريعه التحضير وحاجات تانيه كتير 👈🏼حاول تبعد عنها لانها بتاثر على الجهاز العصبي المركزي وبتعمل ادمان للطعام وبتفتح الشهيه ‼️

🟢الالوان الصناعيه الموجوده في الحلويات واللي نديها لاطفالنا 👈🏼ما تفكرهاش حاجه بسيطه في منها اللي بيسبب الاورام ومنها اللي بياثر على اعصابهم👈🏼 وبيخليهم عندهم فرط حركه وتشتت انتباه❌‼️ 

🟢النترات أو النيتريت او نترات الصوديوم.. كلها مسميات لمواد بتتحط علي اللحوم المصنعه😱 عشان تفضل محتفظه بلونها وطعمها ودي للاسف👈🏼  بتزود احتماليات الاصابه بالاورام السرطانيه خصوصا في الجهاز الهضمي❌❌ 

🟢في ماده بتتحط على المخبوزات المغلفه اسمها بروبيونات الكالسيوم ودي👈🏼 تعتبر ماده عشان تمنع التعفن.. مرتبطه ببعض انواع الاورام السرطانيه ❌

🟢الحاجات اللي مكتوب عليها صحي او مثلا بالشوفان هتلاقي الدقيق الابيض👈🏼 واحد من مكوناتها عادي جدا بس بتبقى خدعه عشان يحسسك انها حاجه صحيه ❌

🟢الزبادي او اللبن خالي الدسم ده مش حاجه صحيه خالص دي حاجه اقل فايده بكثير من الكامل الدسم ❌

لان كتير من فوائد الالبان في دهونها ✔️

🟢الحاجه المكتوبه في اول المكونات دي الحاجه اللي نسبتها اكبر في المنتج اللي بتشتريه.👈🏼. يعني لو اول مكون سكر اعرف انها مليانه سكر ولو اول مكون دقيق اعرف انها مليانه دقيق وهكذا ✔️✔️

🟢الجبنه اللي معموله من زيوت نباتيه ما اسمهاش جبنه دي اسمها اشباه جبن..👈🏼 ودي طريق مختصر للامراض خصوصا ده بنديها لاولادنا في السندوتشات ❌❌

🟢المياه الغازيه اللي انت بتشربها مش متحليه بسكر عادي ده حاجه اسمها👈🏼 شراب عالي الفركتوز مشتق من الدره وده بيعمل التهابات شديده جدا في الكبد❌❌ غير ان طبعا بيزود الوزن وبيجيبلك سكر ‼️‼️

🟢وانت بتتمشى حبيت تشرب حاجه سخنه ما تشربهاش في كوبايات ورق عشان بتبوظ هرمونات❌

🟢في كلمات تسويقيه رنانه بتخليك تشتري الحاجه وانت ضميرك مرتاح ✅✅

🔴زي عرض خاص.. ده مش بيبقى عرض ده بيبقى طعم 

صحي.. وده بيبقى اصلا مليان مواد حافظه عادي ❌

🔴دايت.. وده بيبقى فيه دقيق وسكر عادي ❌

🔴شوفان وده بيبقى في كربوهيدرات عادي برده وبيزود الوزن عادي جدا ❌

🔴العصير المعلب اللي مكتوب عليه بدون سكر.. هو اصلا كله سكر على فكره امال هو مسكر ازاي!!‼️‼️

🔴🔴وفي النهايه قرايه المكونات مش منظره ولا حاجه 

ده ضروره وحقك👈🏼 عشان تحافظ على صحتك والا ما كانوش كتبوه اصلا بس احنا مش بنهتم بالكلام ده.✅✅.مع العلم أنه ممكن يكون سبب في اكتر أمراضنا✔️✔️ 

بحبكم في الله❤️🤗