لامية ولا نور والغاز بالطابور والاسعار نار وثبور دي بلاوي بتتحدف علينا من السور وآه ياعبدالصبور ان قلت آي يقولولك خلف دور وان تكلمت يقولولك شطب خلف دور وان تمردت يقولوا ياولد كن صامت شكور انت آلة لاتملك الا السمع والطاعة والحبور والحالة صعبة اكيد شور ياعم سيبك ياتموت ياتقع في خور وتحلم بايه وتطمح في اايه دي ارض بور تبتسم وتنافق كلامك كله زور وان حاولت تقاوم اوعي وشك غور ده عالم كله زيف وشرور فاكرين انهم يملكوا الحياة والنشور وان قلت الحق يقولوا كداب مسحور ولمعاناة الناس مفيش احساس قلوبهم. صخر محجور يوعدوا بكلام معسول تقولش ح يببنوا قصور ويوزعوا الوعود والشعارات كأنها در منثور وللحق والعدل ضميرهم مهجور وتناسوا يوم الحشر والجنة والماء الطهور وزرعوا كراهية بآفعالهم ونفور نتمني نعيش في سرور وجزا الصابربن الحور آه يانا من الظلم والجور ونعوم في بحر الخضوع تقولش سمك كور فرحان بشنباته ملفوف بورق اللور يكونش فاكرنا طيور والا تيران في ساقية بتدور حسبي الله ياأشرس من سنور يافاقدي انسانية البصر والبصيرة يا عور وزدنا من بركاتك ياعاشور وعجبي هويدا محمد الحسن عثمان