السبت، 24 يوليو 2021
سألونى عن غرام الفيس
ضحكت وقلت دى كوميديا كيس
ازاى أحب انسان معرفتهوش؟!
وازاى أحب انسان مفهمتوش؟!!
وعينى فى عينه متقابلوش!!
ده ياعم فراغ متصدقوش
الحب ده مش مجرد كلمة
الحب معنى جميل الهمة
الحب ده فى الكون له أجمل بصمة
الحب مش مجرد حضن وضمة
ولابغبغان بيردد كلام حفظه صمة
الحب ده لأهل الأخلاق القمة
الحب مش بدلة ولا جلابية وعمة
الحب ده كيف وكما
الحب هوه ازاى وليه وامتى ولما
الحب صراحة ووضوح ولمة
كل يوم يبعتلى جواب
لاشفته ولاشافنى ويلومنى بعتاب
قال انه عايش فى عذاب
وعقله تايه وقلبه داب
الليلة بعتلى وردة
وبكرة بعتلى كلمة
وبعده بعتلى خاتم
وكل يوم يبعتلى خاتم
لأ مجرد صورة خاتم
والنبى ده كلام ياحاتم
هية الحكاية مجرد خاتم
والا بتثبتنى ولعقلى بتضل وكاتم
ولما أرفض يفضل يسب ويصرخ ولية شاتم
شتيمة وحذف أصل الكرامة نقحت على حاتم
وفاكر الرجولة حب وكلام بلا منطق بس مجرد خاتم
لأ الحب نور وردى مش سراب مدارى ورا ستار قاتم
(مع الاعتذار)
(بالمناسبة حاتم مجرد اسم لوزن القافية فقط)
هويدا
الاشتراك في:
التعليقات (Atom)